Zvicra me program mbështetës për shëndetësinë kosovare

Prishtinë, 26 mars - Sekretari i Përgjithshëm i Ministrisë së Shëndetësisë, Gani Shabani takoi sot përfaqësuesit e organizatës të Swiss Tropicaland Public Health Institute Zvicër, dhe të Save the Children në Kosovë, të cilat janë të mandatuara nga Qeveria e Zvicrës Zyra Zvicerane për Bashkëpunim, të implementojn një program mbështetës në shëndetësi për kujdesin primar në Republikën e Kosovës.
Në këtë rast Sekretari dr. Shabani, shprehu falënderime në emër të MSh-së për Qeverinë e Zvicrës dhe të gjithë atyre që po kontribuojnë në mbështetje të zhvillimit të sektorit shëndetësor si në fushën e trajnimit të mjekëve ashtu edhe në fushën infrastrukturore shëndetësore.
Jemi të vetëdijshëm se çdo dikaster e ka rëndësinë e saj dhe ka nevojë për ta mbështetur, por mendimi im është që shëndeti i popullsisë është primar, andaj çdo ndihmë e juaja është e mirëseardhur dhe do ta keni bashkëpunimin tonë të fuqishëm që të mos kemi asnjë pengesë sa i përket përgjegjësive tona, me qëllim që ky program të realizohet dhe të kenë përfitim qytetarët e vendit tonë, tha Sekretari.
Ndërsa përfaqësuesit e organizatave kanë theksuar që do të mbështesin Kosovën me programin për kujdesin primar në këto komponentë:
· Në aspektin e dhënies të kujdesit primar - Ofruesit e kujdesit shëndetësor primar janë më mirë të trajnuar dhe të pajisur, dhe të kryejnë shërbime cilësore në zonat klinike prioritare ;
· Në strukturën menaxheriale të Komunave -Menaxherët në nivel komunal dhe të objekteve janë të fuqizuar dhe performojnë në mënyrë efikase dhe efektive planifikimin e tyre, buxhetimin, menaxhimin dhe mbikëqyrjen e funksioneve mbështetëse; si dhe
· Në ndërgjegjësimin e sistemit shëndetësor të KosovësNdërgjegjësimi i popullsisë në shëndetësi rritet dhe nevojat e pacientëve më mirë njihen dhe konsiderohen nga ofruesit përmes proceseve të zgjeruara të reagime / ndërveprimeve me autoritetet shëndetësore.
Udhëheqëse për implementimin e këtij programi është ngarkuar znj. Debra Stevenson e cila shprehu njëkohësisht kënaqësinë dhe gatishmërinë e saj për të realizuar këtë projekt.
Takimi i sotshëm ishte më shumë informues dhe mbetet në të ardhmen të konkretizohet fushëveprimi i këtyre organizatave, në koordinim me MSh-në dhe projektet e donatorëve të tjerë në Kosovë.