Vdes pacientja e prekur nga gripi i derrit
Kjo është konfrimuar edhe nga zëdhënesi i QKUK-së Shpend Fazliu i cili ka thënë se pacijenjta ka ndrruar jetë rreth ores 3 të mesdites se sotme.
Edhe Qendra Kombëtare e Gripit në kuadër të Institutit Kombëtar të Shëndetësisë Publike e Kosovës para pak dite e ka konfirmuar rastin e prekur nga ky virus.
“Është ripërsëritur analiza në laboratorin e Institutit Kombëtar të Shëndetit Publik dhe fatkeqësisht ka rezultuar pozitive në virusin H1 N1”, ka theksuar ai.
Drejtori i Institutit Kombëtar të Shëndetit Publik, Naser Ramadani dje ka bërë të ditur se në laboratorët e IKSHP-së, është konfirmuar rasti i parë i gripit AH1N1e që tashmë është një virus i zakonshëm dhe virus sezonal, te një paciente e hospitalizuar në mjekimin intensiv në QKUK. Rasti i sotëm në anketën e detajuar nuk ka ndonjë lidhshmëri epidemiologjike që pacienti ka udhëtuar jashtë vendit dhe ka sjellë virusin”.
Pacientja fillimisht është trajtuar në Klinikën e Mushkërive me simptoma të gripit të rëndomtë.
Pas përkeqësimit të gjendjes shëndetësore ajo u transferua në Kujdesin Intensiv Qendror ku i janë bërë analizat e detajuara, rezultatet e të cilave tri herë radhazi treguan se pacientja ishte prekur nga virusi H1 N1.
