Washington, 24 gusht - Presidenti Trump dha të dielën një autorizim urgjent për përdorimin e plazmës konvulsive për të trajtuar pacientët me koronavirus, duke e quajtur atë një "përparim të madh".

Duke folur para gazetarëve nga Shtëpia e Bardhë të dielën, Trump tha se Agjencia e Ushqimit dhe të Barnave FDA "ka lëshuar një autorizim të përdorimit të urgjencës ... për një trajtim të njohur si plazma konvulsive".

"Kjo është një terapi e fuqishme që transferon antitrupa shumë të fortë nga gjaku i pacientëve të rikuperuar për të ndihmuar në trajtimin e pacientëve që luftojnë me një infeksion aktual", tha Trump, duke shtuar se autorizimi do të "zgjerojë qasjen në këtë trajtim".

"Bazuar në shkencën dhe të dhënat, FDA ka bërë përcaktimin e pavarur se trajtimi është i sigurt dhe shumë efektiv", tha Trump, përpara se të nxiste të gjithë pacientët e rikuperuar COVID-19 në SHBA që të dhurojnë plazmën e tyre të gjakut.

Ky trajtim tashmë është dhënë për më shumë se 70,000 pacientë, raportoi Washington Post, duke cituar zyrtarë të njohur me vendimin .

Gjithashtu sipas mediave amerikane, Trump po parashikon që të përshpejtojë edhe lidhjen e kontratës me firmën për vaksinën anti Covid.

Shtëpia e Bardhë, sipas Reuters, gjithashtu nuk pranoi të komentojë në një raport të veçantë të Financial Times ku thekohej se administrata po konsideron përshpejtimin e një vaksine eksperimentale COVID-19 që po zhvillohet nga AstraZeneca Plc (AZN.L) dhe Universiteti i Oksfordit për t'u përdorur në Shtetet e Bashkuara përpara zgjedhjeve presidenciale të 3 nëntorit.

Një opsion që po eksplorohet do të përfshijë Administratën e Ushqimit dhe Barnave të SHBA (FDA) për dhënien e "autorizimit të përdorimit të urgjencës" në tetor për vaksinën e mundshme, e cila u zhvillua nga Oksfordi dhe licencuar në AstraZeneca, raportoi FT (këtu), duke cituar njerëz të informuar mbi kete plan.