Pekin, 16 dhjetor - Pas zbulimit të dy antitrupave të virusit Zika te një pacient i infektuar prej tij, shkencëtarët kinezë ua injektuan ato kavieve laboratorike, për të eksperimentuar vaksinën kundër virusit.

Ky eskperiement është një mundësi e mirë për gjetjen e vaksinën dhe terapisë kundër virusit Zika.

Yan Jinghua, nga Instituti i Mikrobiologjisë pranë Akademisë së Shkencave të Kinës tha se antitrupat ekskluzivisht përdoren për virusin Zika dhe shfaqin një mundësi të madhe të shërimit nga mikrocefaliti i shkaktuar virusi.

\"Është e vështirë gjetja e një ilaçi specifik për trajtimin e viruseve, kryesisht të virusit Zika. Megjithatë ky antitrup ka rezultat të lartë ndaj virusit. Pasi u infektuan kaviet me virusin Zika ne i trajtuam me terapinë antitrup. Virusi u zhduk tërësisht\", tha Yan.

Shkencëtarët izoluan qelizat imune B nga gjaku i pacientit të infektuar, i kthyer nga Venezuela në Kinë, i cili u shërua më pas dhe gjeneroi 13 antitrupa, bllokues të virusit. Dy nga antitrupat, të njohur si Z23 dhe Z 3L1 eliminuan virusin Zika, në kushte laboratorike.

Analiza strukturore tregon se dy antitrupat bllokojnë infeksionin, nëpërmjet të ashtuquajturit \"proteina zarf,i njohur për lehtësimin e hyrjes së virusit në qeliza.

Sipas shkencëtarëve nevojiten vetëm dy ditë për të izoluar antitrupat, dhe më shumë se dhjetë ditë për të verifikuar funksionet e tyre. Një muaj është i mjaftueshëm për të gjithë procesin. Ky studim u publikua online në revistën shkencore amerikane Science Translational Medicine.