Prishtinë, 21 mars - 24 Marsi është Dita Botërore e Tuberkulozit, ditë e cila në shumë pjesë të botës kalon duke mësuar dhe duke biseduar lidhur me këtë sëmundje.

Me qëllim të shënimit të kësaj dite, sot në ora 11:00 në Hotel “Victory” në Prishtinë mbahet manifestimi kryesor.

Në këtë takim, në të cilin zyrtarë shëndetësor dhe profesionistë të fushës përkatëse do të diskutojnë për tuberkulozin dhe trajtimin e tij, do të bëhen të ditura edhe aktivitetet e tjera, të cilat do ta shënojnë Ditën Botërore të TB.