Prishtinë, 9 mars - Shoqata e Nefrologëve të Kosovës shënon me disa manifestime 9 marsin Ditën Botërore të Veshkës.

Aktivitetet do të fillojnë në shkollën fillore “Faik Konica” të Prishtinës duke pasur për qëllim që vetëdijesimi lidhur me rëndësinë dhe rolin e veshkave të fillojë që nga nxënësit;

Pastaj hapet pika informuese në sheshin “Nena Tereza”- Prishtinë, me ç’rast qytetarëve do t’u shpërndahen fletë-palosje me përmbajtje sensibilizimi për zbulimin e hershëm të sëmundjeve të veshkave.

Gjithashtu në QKUK - Salla e Telemjekësisë mbahen ligjëratat me temën kryesore “Obesiteti dhe Veshka”.