Prishtinë, 21 shtator - Qendra Klinike Universitare  e  Kosovës (QKUK) njofton se është duke vazhduar  mjekimi i pesë pacientëve të pranuar mbrëmë si pasojë e aksidentit të trafikut, përderisa 6 të aksidentuarit e tjerë pasi që kanë  kryer të gjitha ekzaminimet mjekësore  janë lëshuar për në shtëpi.

Aktualisht në Klinikën e Ortopedisë  janë duke u trajtuar  4 pacientë,  H. S (1934) F.H(1958) R. B (1980) A. D (1086).  Përderisa në Klinikën Emergjente ende po vazhdon mjekimi i pacientes H. G(1986).

Klinika Emergjente njofton opinionin se përkundër mbingarkesës që ka pasur natën e mbrëmshme, ndihma mjekësore  u është ofruar të gjithë të aksidentuarve duke kryer të gjitha ekzaminimet e nevojshme mjekësore.

Në bazë të planit për emergjenca të QKUK-së në rastet kur Klinika Emergjente ka mbingarkesë,  rastet pranohen edhe në hapësirat e tjera  të QKUK-së ku angazhohet edhe stafi tjetër kujdestar dhe ai në gatishmëri.

QKUK kërkon nga mediet më shumë korrektësi dhe në rastet e tilla të kontaktohen përgjegjësit e informimit sikurse në rastin e kontaktimit të Policisë së Kosovës.