QKUK, sot rifillon vendosja e pejsmejkerëve dhe ICD-ve
Gjatë kohës së kryerjes së intervenimit kanë asistuar ekspertët nga Zagrebi, të cilët do të trajnojnë mjekët nga Kosova.
“ Sot ka ardhur një kompani me mjekë nga Kroacia që do të marrin mjekët tonë në trajnim dhe do ti përgatisin stafin për kryerjen e kësaj pune. Disa mjekë kosovarë do të shkojnë në Zagreb e më pastaj edhe në Itali “ tha dr. Bedri Zahiti, drejtor i Klinikës së Kardiologjisë me Angiologji.
Sipas tij, një ICD kushton deri në në 16 mijë euro, derisa pejsmejkeri deri rreth 5 mijë euro, por aktualisht ato do të ofrohen falas për pacientët, deri në caktimin e një çmimore që do ta bëjnë në bashkëpunim dhe bashkëveprim me menaxhmentin e QKUK-së dhe Ministrinë e Shëndetësisë.
Duke folur për pacientët Dr. Zahiti ka shpjeguar se sipas statistikave ndërkombëtare, në 2 milionë njerëz, duhet t’i vënë deri në 500 pejsmejker brenda një viti.
Ai tha se tash e tutje Klinika e Kardiologjisë do të përpiloi listën e pacientëve që kanë nevojë për intervenime të tilla dhe puna do të bëhet në mënyrë të organizuar.
Pajisja pejsmejker , është kombinim nga çipa kompjuteri dhe baterie të cilat mund të programohen montohet në kraharorë menjëherë nën ashtin kyç nën lëkurë. Telat speciale futen në venat e zemrës nën ashtin kyç. Pastaj, kabllot lidhen deri tek sistemi i baterive.
Kjo procedurë zgjatë, 1-2 orë nën anestezion lokal dhe llogaritet si intervenim minimal. Pacienti qëndron në spital 1 deri në 2 ditë pas intervenimit të kryer në sallë .
ICD, është pajisje e programuar të shënojë ngadalësimin e zemrës dhe aritmi potenciale në rrezik. Paisja automatikisht e diagnostikon dhe korrigjon aritminë me elektroshok të papritur
