Prishtinë, 16 korrik - Në gjashtëmujorin e parë të këtij viti në kuadër të Qendrës Klinike Universitare të Kosovës, janë realizuar 6.755 operacione në të gjitha klinikat kirurgjikale.

Në Klinikën e Kirurgjisë janë kryer gjithsej  1449 operacione, në Klinikën Obstetrike Gjinekologjike 1922 operacione, Klinika e Ortopedisë ka kryer 579 operacione.

Në Klinikën e Syve  641, Klinika e Otorinolaringologjisë  967 operacione,  Klinika e Kirurgjisë së Fëmijëve  543 operacione, Klinika e Urologjisë  282, Klinika e Neurokirurgjisë 197 operacione, Klinika Maksilofaciale 113 operacione, Qendra Emergjente 847 operacione.