Prishtinë, 14 shtator - Sot, në Qendrën Klinike Universitare të Kosovës (QKUK), është nënshkruar marrëveshja e bashkëpunimit  ndërmjet QKUK–së dhe  International Medicine Hospital (IMH).

Kjo marrëveshje  ka për bazë, marrëveshjen e lidhur më herët ndërmjet  Ministrisë së Shëndetësisë  së Kosovës me IMH.

Marrëveshja  ka për qëllim avansimin e shërbimeve shëndetësore dhe infermierore duke përfshirë   zhvillimin e vazhdueshëm profesional dhe  zbatimin e programeve të subspecializimit, edukimin mjekësor dhe projektet hulumtuese.

Në emër të QKUK-së, marrëveshjen e nënshkroi drejtori ekzekutiv dr. Nijazi Gashi, kurse në emër të Internacional  Medicine Hospital, Z. Ali Hocaoglu.