Prishtinë, 7 shkurt - Qendra Klinike Universitare e Kosovës, njofton se deri në ora 16:15, në  Klinikën  Emergjent kanë kërkuar ndihmë emergjente mjekësore 11 te lënduar, prej tyre 4 policë të  Kosovës, 2 përfaqësues të medieve dhe 5 protestues studentë.

Bëhet fjalë për lëndime të lehta trupore, dhe asnjëri prej tyre nuk është në rrezik jete.

Ekipet kujdestare të Klinikës  Emergjente kanë treguar gatishmëri  për të trajtuar të gjitha rastet të cilat kanë pasur nevojë për shërbime mjekësore emergjente.

Të lënduarit e tjerë e kanë marrë ndihmën mjekësore nga Enti i mjekësisë urgjente që vepron në kuadër të Komunës së Prishtinës dhe nuk kanë pasur nevojë për mjekim në QKUK.