Prishtinë, 17 shtator - Policia e Republikës së Kosovës ka konfiskuar një sasi të konsiderueshme barnash të kontrabanduara.

Lajmi bëhet i ditur nga policia e Kosovës e cila deklaron se malli i kontrabanduar është gjetur në një makinë në rrugën rurale Suhadoll i Poshtëm, në Mitrovicë.

Sipas policisë, janë gjetur 97 paketime me nga 10 lloje barnash të ndryshme ndërsa janë ndaluar edhe dy transportuesit, dy shtetas serbë.

“Në momentin e ndalimit të automjetit transportues, shoferi 45-vjeçar dhe pasagjeri i tij, që të dytë të përkatësisë etnike serbe, nuk kanë rezistuar, ndërsa kanë bashkëpunuar me policinë”, thuhet në komunikatën e policisë.