Prishtinë, 26 qershor - Sot, rreth orës 11:00, ka përfunduar  greva e higjienistëve të Kompanisë së pastrimit “Krasniqi”, me të cilën Qendra Klinike Universitare e Kosovës (QKUK) ka kontratë për pastrim të hapësirave të brendshme. 

Menaxheri i kompanisë së pastrimit “Krasniqi”, ka njoftuar menaxhmentin e QKUK-së, se pas bisedave që ka pasur me sindikalistët e higjienistëve, është arritur marrëveshja për ndërprerje të grevës.

Kompania nga rezervat e saja të brendshme do të rrisë pagat e punëtorëve bruto për 10%.  Të gjithë punëtorët e  pastrimit i janë kthyer punës dhe gjendja e higjienës është normalizuar në gjithë QKUK-në.