Operohen 2 paciente në kardiokirurgji, sanohet problemi i ventilimit
Po ashtu, menaxhmenti i QKUK, përmes punëtorëve teknik, ka bërë rregullimin e defektit në sistemin e ventilimit.
Shpend Fazliu zëdhënës i QKUK-së ka bërë të ditur se dje, është operuar pacientja SH. E nga Peja me sëmundje ishemike të zemrës, ku është bërë bypas i zemrës.
Operacioni sipas tij ka shkuar mirë dhe pa komplikime, përderisa pacientja tani është në gjendje të mirë shëndetësore.
Sot sipas Fazliut ekipet mjekësore po vazhdojnë përgatitjet dhe pritet ta operojnë një paciente tjetër të moshës 39 vjeçare me probleme kardiokirurgjike.
\"QKUK, në bashkëpunim me Ministrinë e Shëndetësisë, po bëjnë përpjekje për funksionalizim të plotë të shërbimit të kardiokirurgjisë, përmes donacionit italian, në vlerë prej 1.8 milion euro, përmes së cilave është në procedurë blerja e aparaturave të reja, materialit shpenzues dhe projektet e bashkëpunimit ndërkombëtarë\", ka theksuar Fazliu.
