Gjenevë, 2 dhjetor - Organizata Botërore e Shëndetësisë (OBSH) ka shprehur shqetësim për aftësinë e saj në përballimin e pacientëve të prekur nga Ebola në Sierra Leone.

Sipas analizave të fundit të gjendjes të publikuara nga OBSH, mungesa e shtretërve për pacientët në perëndim të këtij vendi po pengon personelin shëndetësor të kontrollojë përhapjen e virusit vdekjeprurës.

Kombet e Bashkuara synojnë që 70% e pacientëve me Ebola të trajtohen në një periudhë 60 ditore në kushte izolimi.

OBSH deklaron se ky objektiv pritet të arrihet në javët në vijim në Sierra Leone, nëse do të krijohen lehtësi të reja në rajonet perëndimore të këtij vendi.