Gjenevë, 26 shtator - Organizata Botërore e Shëndetësisë (OBSH) po heton një virus të ri, i së njëjtës kategori me SARS-in, i cili shkaktoi vdekjen e një personi dhe një tjetër e ka lënë në gjendje të rëndë shëndetësore.

Deri më tani rezulton se ata nuk e kanë marrë virusin nga kontaktet me njerëzit e tjerë. Zëdhënësi i OBSH-së, Gregori Hartl thotë se një virus i tillë ndeshet për herë të parë.

\"Është një virus i ri që mund të shkaktojë pneumoni dhe mosfunksionim të menjëhershëm të veshkës. Nuk e dimë sa persona janë të prekur\", tha Grerori Hartl.

Lloje të tilla virusesh shkaktojnë nga ftohja e thjeshtë deri tek sëmundjet me komplikacione, apo që të marrin jetën, njëlloj si virusi SARS.