Prishtinë, 21 mars - Ministria e Shëndetësisë, Instituti Kombëtar i Shëndetësisë Publike të Kosovës, Shoqata e pulmologëve të Kosovës,  Fondi Global - me OJQ / KeA, nesë shënojnë Ditën Botërore të Tuberkulozit në të gjitha qendra rajonale të Kosovës : Prishtinë, Pejë, Gjakovë, Prizren, Ferizaj, Gjilan dhe Mitrovicë.

Shënimi kryesor i kësaj dite do të mbahet në Spitalin e Mushkërive  në Pejë  me temën: “Të arriturat në kontrollin e tuberkulozit në Kosovë dhe sfidat e së ardhmes”.

Përveç kësaj, në Spitalin e Mushkërive në Pejë  do të mbahet edhe një konferencë për media ku do të marr pjesë: Ministri i Shëndetësisë, Koordinatori Nacional për Tuberkuloz,  përfaqësuesit e Institutit Kombëtar të Shëndetit Publik, Fondit Global, OJQ-KEA, Organizatës Botërore të Shëndetësisë  dhe përfaqësuesit e shoqërisë civile.

Në Prishtinë, ndërkaq, para Pallatit të Rinisë dhe Teatrit Kombëtar, më 22. 03. 2013, duke filluar prej orës 12:00 deri në orën 14:00 do të barten pano të vendosura në trup (“ njerëzit reklamë” ) me porosi edukativo -shëndetësore të luftës kundër tuberkulozit.

Arsyeja e shënimit të kësaj dite në tërë Botën, e po ashtu edhe në Kosovë është Thirrja për Aksion për të gjithë ata, që me kontributin e tyre do te përkrahin eliminimin e Tuberkulozit në Kosovë dhe në botë.