Nënvlerësimi i virusit i rrezikshëm sa edhe vetë virusi
Mirëseardhje i pari u uroi kryetari i Komunës së Lipjanit, z. Imri Ahmeti. Komunat në vendin tonë në njërën anë po përballen me pandeminë COVID-19 dhe pasojat e saja ekonomike e shoqërore, kurse në anën tjetër edhe me ujin e pijshëm, ku nëpër shumë sosh nuk është i rregulluar tërë furnizimi.
Kryeministri Kurti ka thënë se në këtë kohë e tërë vëmendja e institucioneve duhet të jetë tek luftimi i virusit Corona.
"Nuk duhet ta nënvlerësojmë virusin e kësisoj të na rritet vetëbesimi se nuk do të prekemi a se nuk do të na bëjë dëme. Ky virus është shumë i rrezikshëm edhe për shkak se është i padukshëm", ka theksuar Kurtii.
Në Ferizaj, delegacioni u prit nga kryetari i Komunës Agim Aliu dhe stafi emergjent. Të gjithë qytetarët, sikurse edhe institucionet janë duke u solidarizuar me ata më në nevojë. Të gjithë po i dalim në ndihmë njëri-tjetrit që virusin ta luftojmë me sa më lehtësi.
Në komunën e cila u prek e para, atë të Vitisë, momentalisht janë katër raste aktive, kurse tri të tjera janë shëruar. Po bëhen një muaj nga rasti i parë që u shënua në Kosovë e që është pikërisht në këtë komunë, dhe masat e marra nga komuna shihet qartë se janë shumë efikase meqenëse numri nuk është rritur.
Po punojmë për më të mirën e urojmë që ajo të ndodh. Ndihma qytetare është e pashmangshme, andaj na ndihmoni duke:
Qëndruar në shtëpi!
Qëndruar pastër!
Qëndruar në distancë!
