Prishtinë, 14 shtator - Ministria e Shëndetësisë (MSH) ka bërë të ditur se sipas të dhënave nga Instituti Kombëtar i Shëndetësisë Publike të Kosovës gjatë 24 orëve të fundit, janë shënuar 24 raste të vdekjes.

MSH po ashtu ka njoftur se nga 7.027 testime, 357 qytetarë kanë rezultuar pozitiv me virusin COVID-19.

Sot po ashtu janë shëruar 1.498 qytetarë, derisa numri i përgjithshëm i të shëruarve është 138.950.

Në total numri i rasteve aktive është 15.835.

Në 24 orët e fundit janë dhënë 20.144 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.066.947 doza të vaksinës.

Deri më sot 369.033 qytetarë janë vaksinuar me dozën e dytë.