Prishtinë, 26 shkurt - Ekipi i mjekëve nga Australia, nën udhëheqjen e Profesor,  Paddy Dewan, po kryen disa operacione të ndërlikuara tek fëmijët me probleme urogjenitale dhe gastrointestinale.

Operacionet po kryhen  në kuadër të bashkëpunimit shumëvjeçare mes Qendrën Klinike Universitare, përkatësisht Klinikës së Kirurgjisë së Fëmijëve  dhe ne koordinim me Ministrinë e Shëndetësisë.

Ekipi nga Australia po realizon këto operacione,  në kuadër të vizitës 2 javore në Prishtinë dhe Tiranë.

Dje dhe sot janë kryer  operacione tek fëmijët  me anomali të lindura dhe shumë komplekse që përfshinë organet urogjenitale dhe traktin urinarë të sipërm,  të kombinuara me anomali te sistemit gastrointestinal.

Operacionet po i kryen Profesor Paddy Dewan nga Spitali Universitar i Melburnit të Australisë  dhe Profesor Nexhmi Hyseni,  me ekipin e mjekeve të  Kirurgjisë  së Fëmijëve.

Operacionet do të vazhdojnë gjatë gjithë javës dhe do të përfitojnë edhe fëmijë të tjera më probleme urogjenitale.  

Kjo është vizita e tretë e Profesor Paddy Deëan, me ndihmesë  të Organizatës Australiane e ashtuquajtur \"Kind Cuts for Kids\" misioni i së cilës është te ndihmojë ofrimin e shërbimeve mjekësore tek fëmijët  me sëmundje të rënda në vendet në zhvillim.

Kjo organizatë ndihmon në avancimin e shërbimeve shëndetësore të këtyre vendeve në edukim, demonstrimin e shkathtësive praktike mjekësore,  përkatësisht të teknikave operative të sofistikuara me qëllim transferi të tyre në stafin e mjekëve vendor. Gjithashtu komuniteti shqiptar ne Melburn,  e ka mbështetur financiarisht këtë vizitë.