Prishtinë, 22 shtator - Zyra e Drejtorit e Përgjithshëm të SHSKUK-së, njofton se në Klinikën e Neurokirurgjisë të Qendrës Klinike Universitare të Kosovës, me sukses të plotë është operuar pacientja M. H (1950) e cila kishte  një tumor mbi tru  me madhësi 7.7 cm x 5.4cm x 4.5 cm. 

Pacientja kishte ardhur  me gjendje të përkeqësuar me dobësi në lëvizje të dorës dhe këmbës së majtë dhe pas përgatitjes rutinore  pre-operative ekipa mjekësore edhe pse me rrezikshëmri të lartë kishte vendosur ta operonte pacienten.  

Operacioni ka zgjatur 8 orë dhe ekipa operatore  në përbërje të Dr. Armend Kërveshi, neurokirurg operator,  i asistuar nga Dr. Bujar  Kastrati , dr. Faik Qosja  me anesteziologen  dr. Qamile Morina, të asistuar nga instrumentaret  Ganimete Asllani, Ramize Malokaj dhe  Sanije Haziri, arritën me sukeses të kryejnë intevenimin.

Tumori  ishte i  lokalizuar- zhvilluar në zonë me rrezikshmëri të lartë,  tërë rrjedha e operacionit  8 orësh ka shkuar pa komplikime dhe në CT të kryr pas operacionit  tregohet se  tumori eshtë larguar plotësisht, pacientja është e shëruar.

Ajo është e shtrirë në Klinikën e Neurokirurgjisë  me gjendje të mirë shëndetësore  dhe pritet të lëshohet në trajtim shtëpiak.

Ky lloj intervenimi me këtë sukses është  sfidë edhe në qendrat më të mëdha neurokirurgjike kudo në botë .