Prishtinë, 20 prill - Një ekip i përbërë prej dhjetë specialistëve të fushave të ndryshme mjekësore do të qëndrojë për një vizitë pune në Kosovë javën e ardhshme.

Vizita e këtij ekipi profesionistësh do të nis me një takim që disa anëtarëve të këtij delegacioni, të kryesuar nga Koordinatori i Projektit mjekësor Suedez Ake Bjorn do ta kenë  me Ministrin e Shëndetësisë të Republikës së Kosovës, Prof. Dr. Ferid Agani, ndërkohë që të tjerët do të jenë në angazhimet e planifikuara në Qendrën Klinike Universitare të Kosovës dhe në klinikat përkatëse të kësaj qendre.

Ekipi i specialistëve nga Suedia përbëhet nga ekspertë të fushave të ndryshme si nga : Kirurgjia plastike: Dr. Erkki Tarpila dhe Dr. Lennart Krysander; Anesteziologjia:  Dr. Bjorn Viklund; Kirurgjia e fëmijëve: Dr. Peder Drott dhe Sven Mattsson – urodinamikë;   Kirurgjia e shuplakës së dorës me terapi fizikale:  Magnus Berggren dhe Christina Carlström;  Kirurgjia spinale: Haakan Jonsson and Peter Ahlinder dhe Koordinatori i projektit mjekësor Suedez: Dr. Ake Bjorn.