Prishtinë, 15 korrik - Ministri i Shëndetësisë së Republikës së Kosovës Ferid Agani priti sot Kryetarin e Odës së Farmacistëve të Kosovës, Zehadin Gashi, Kryetarin e Shoqatës së Distributorëve Farmaceutikë të Kosovës, Milaim Abdullahu, Kryetarin e Shoqatës Farmaceutike të Kosovës, Agim Çaka si dhe U.D të shefit të Agjencionit Kosovar për Produkte Medicinale, Arianit Jakupi.

Në takim u bisedua për hapat e mëtutjeshëm për avancimin e sektorit farmaceutik të Kosovës.

Ministri Agani i siguroi të pranishmit se mbështetja e tij si ministër, por edhe e menaxhmentit të Ministrisë së Shëndetësisë  nuk do të mungojë edhe në të ardhmen siç nuk ka munguar deri më tani.

“Krejt ky angazhim do të bëhet me qëllim të ngritjes së përgjegjësisë që kemi ndaj qytetarëve në përgjithësi e në veçanti ndaj pacientëve në nevojë”, tha Ministri Agani.

Oda e Farmacistëve të Kosovës ka mbajtur kuvendin e saj zgjedhor më 27 qershor, duke zgjedhur kryetarin e saj dhe filluar procesin e konsolidimit dhe funksionimit të saj.