Prishtinë, 27 janar - Ministri i Shëndetësisë të Republikës së Kosovës Ferid Agani priti sot një delegacion të Fondit Global , të kryesuar nga znj. Lindsey Cole, menaxhere e FG për Evropën Perëndimore dhe Azinë Qendrore.

Në këtë takim Ministri Agani u informua nga znj. Cole, për themelimin e agjencionit lokal të financimit (AFL-PWC) ndërlidhur me zbatimin e projekteve të HIV/AIDS-it  dhe TB-së në Kosovë, të mbështetura nga Fondi Global dhe të mbikëqyrura nga Mekanizmi  Koordinues i Kosovës.

Ministri Agani e mirëpriti gatishmërin e Fondit Global për mbështetje të mëtejme në avancimin e shëndetësisë kosovare në përgjithësi dhe u zotua se MSh dhe partnerët do të zbatojnë këshillat dhe rekomandimet me qëllim që këto projekte të realizohen sa më mirë që është e mundur, në interes të parandalimit dhe trajtimit korrekt të infeksionit me HIV dhe tuberkulozit..