Prishtinë, 20 shkurt - Klinika e Radiologjisë në Qendrën Klinike Universitare të Kosovës, përkatësisht shërbimi i mamografisë është ndihmuar me një digjitalizer nga kompania “Medica” me seli në Prishtinë.


Ky digjitalizer ka për qëllim leximin e kasetave në mënyrë digjitale si dhe ka printerin i cili mundëson printimin e këtyre filmave me kualitetin më të lartë të mundshëm. Aparatura në fjalë është testuar dhe është në funksion të plotë. Ndërsa vlera e saj është rreth 30 mijë euro.


Përmes kësaj aparature personeli mjekësor do të ketë më të lehtë diagnostikimin e ndryshimeve eventuale që vërehen gjatë leximit të mamogarfisë së gjirit tek pacientet.