Shërbimi Stomatologjik në Komunën e Prishtinës, me kërkesë të këshillit të prindërve dhe koordinim me drejtorit e shkollave fillore, ka filluar aktivitetet parandaluese për fëmijët e klasave të ulëta të shkollave të kryeqytetit.
 
Prishtinë, 10 mars - Fëmijët e klasave të ulëta në përcjellje të mësimdhënësve, këtë muaj do vizitojnë shërbimet stomatologjike në kryeqytet dhe nën përkujdesjen e mjekëve specialistë të masave parandaluese​ stomatologjike​,​ përveç që do marrin informacione të duhura mbi shëndetin oral, njëkohësisht do ​të ​marrin edhe shërbime parandaluese.
 
Ky aktivitet ka për qëllim edukimin mbi higjienën orale, si dhe flourizimin e dhëmbëve dhe mbylljen e fisurave, si masa parandaluese të shfaqjes së kariesit të dhëmbëve.