Prishtinë, 18 nëntor - Dyshimet e ngritura se limoni që shitet në Kosovë mund të ketë përmbajtje kancerogjene, sipas analizave të Agjencisë së Ushqimit dhe Veterinarisë, nuk qëndrojnë.

Zëdhënësi i kësaj agjencie, Lamir Thaçi, ka bërë të ditur për “KD” se rezultatet nga analizat fillestare tregojnë se përmbajtja e limonit që importohet në Kosovë është brenda parametrave të lejuar për konsum.

Megjithatë, kompletimi i analizave laboratorike dhe shpallja e rezultateve finale lidhur me përmbajtjen e këtij produkti pritet të bëhen të martën.

/Koha Ditore/