Kosova në konferencën për shëndetin e nënës dhe fëmijës në Shkup
Në këtë takim i cili ka filluar dje dhe do të zgjas deri të enjten, përveç pjesëmarrësve nga Kosova po marrin pjesë ekspertë edhe nga vendet e tjera si Maqedonia, Azerbajxhani, Shqipëria,Bosnja e Hercegovina,Serbia,Armenia dhe Gjeorgjia.
Kjo konferencë ka për qëllim që të ndihmojë pjesëmarrësit nga shtete të ndryshme që ta kuptojnë metodologjinë e shqyrtimit dhe përpunimit të politikave në fushën e vdekjeve maternale për t\'u fokusuar jo vetëm në vdekshmërinë amtare, por edhe në sëmundshmërinë e nënave shtatzëna.
Gjithashtu, takimi do t’i ndihmojë vendet pjesëmarrëse për të zhvilluar projektet e tyre kombëtare dhe planet e veprimit në fushën e parandalimit të vdekjeve maternale dhe perinatale si dhe zvogëlimin e sëmundshmërisë së nënave dhe fëmijëve.
