Romë, 18 maj - Autoritetet shëndetësore italiane raportuan 675 raste të reja dhe 145 të vdekur gjatë 24 orëve të kaluara, duke regjistruar nivelet më të ulëta të rasteve të reja të infeksioneve dhe vdekjeve qysh nga fillimi i marsit.

Italia ka vendosur të lehtësojë më tej mbylljen dhjetëjavore për arsye të koronavirusit të ri.

Kryeministri italian Giuseppe Conte thotë se mbyllja ka qenë efektive në kontrollimin e përhapjes së virusit.

Udhëtimet ndërmjet rajoneve dhe nga jashtë drejt Italisë do të lejohen nga 3 qershori, por qeveria do të mbyllë zonat ku mund të ketë shpërthime të reja.