Haradinaj: Kurrë më shumë se sot, nuk kemi qenë më afër fitores
Kryetari Haradinaj ka thënë se AAK kurrë më parë nuk ka qenë më afër fitores dhe më e mobilizuar se sot. Ai ka potencuar sfidat, por edhe zhvillimin e Aleancës në krejt këto vitet e fundit.
Haradinaj ka thënë se është në atë që mund të quhet traditë e AAK-së, dyfishimi i fuqisë elektorale, nga zgjedhjet në zgjedhje.
“Lista më e mirë në vend, lista e Aleancës dhe platforma Drejtim i Ri, do të jetë fituesja e zgjedhjeve të ardhshme”, ka thënë Haradinaj.
Kreu i AAK, i nominuar për kryeministër të Kosovës, bashkë me urimin, kandidatëve të listës së AAK-së për deputetë ua ka përcjellë edhe porosinë shtatëpikëshe, që ka të bëjë me parimet e rrugëtimit aleancist drejt fitores të 8 Qershorit.
