Prishtinë, 18 mars - Ministri i Shëndetësisë i Republikës së Kosovës, Ferid Agani, priti sot në takim Ambasadoren e Republikës së Francës në Kosovë, znj. Maryse Daviet.

Në këtë takim Ministri Agani dhe Ambasadorja Daviet  diskutuan për gjendjen në sektorin shëndetësor të Kosovës.

Ministri Agani e njoftoi Ambasadoren e Francës me hapat në fillimin e reformës shëndetësore dhe ndryshimet që do t’i sjell ajo në sektorin shëndetësor në Kosovë.

Ambasadorja Daviet shrehu gatishmërinë e shtetit të saj për vazhdimin e ndihmës që Franca ka dhënë në shumë aspekte të shëndetësisë kosovare,  në veçanti në fushën e shëndetit mendor dhe në sektorin farmaceutik.