Prishtinë, 7 maj - Sot në Prishtinë fillon punimet Kongresi i VI-të Ndërkombëtar për Shkenca Mjekësore “KISCOMS 6”.

Kongresi Ndërkombëtar për Shkenca Mjekësore, projekt i Organizatës për Arsim, Shkencë dhe Shëndetësi “KISCOMS”, ka për qëllim stimulimin dhe ngritjen e vetëdijes dhe interesimit të studentëve dhe profesionistëve të rinj të shkencave mjekësore, mbi rëndësinë e punës, projekteve e hulumtimeve shkencore.

Kongresi mbahet në bashkëpunim me Universitetin e Prishtinës “Hasan Prishtina”, Universitetin e Gjakovës “Fehmi Agani”, Kolegjin Universi, Akademinë Italiane të Nutricionit dhe Dietologjisë dhe Organizatën Botërore të Shëndetësisë.

Kongresi realizohet nën kujdesin e Prof.Dr. Marjan Dema, Rektor i Universitetit të Prishtinës “Hasan Prishtina”. Hapja solemne bëhet nesër, në ora 10:30, në Swiss Diamond Hotel në Prishtinë.

Në kongresin e 6-të do të prezantohen mbi 60 punime shkencore, ndërsa pjesëmarrës aktiv dhe pasiv janë rreth 550 studentë dhe profesionistë të shkencave mjekësore.