Prishtinë, 1 dhjetor - Komuna e Prishtinës njofton banorët e saj se gjatë muajit dhjetor do të fillojnë punimet për renovimin e disa prej Qendrave të Mjekësisë Familjare në Komunën e Prishtinës.

Renovimet do të fillojnë në qendrat: Qendrën Kryesore e Mjekësisë Familjare, Qendrën e Mjekësisë Familjare në Tophane, Qendrën e Mjekësisë Familjare në Dardani, Qendrën e Mjekësisë Familjare në Breg të Diellit dhe Qendrën stomatologjike

Renovimet do të zgjasin nga 1 deri në 2 muaj, ndërsa gjatë kësaj kohe shërbimet për pacientë nëpër këto qendra nuk do të ofrohen me kapacitetin maksimal.

Duke qenë se këto renovime kanë të bëjnë me përmirësimin e kushteve të punës dhe rritjen e cilësisë së shërbimeve shëndetësore për qytetarët, ju kërkojmë mirëkuptim gjatë kësaj periudhe, deri në përfundimin e renovimeve.