Bukuresht, 11 gusht - Rumania raportoi të dielën një rast të dyshuar si të infektuar me virusin vdekjeprurës Ebola. 51-vjeçari po trajtohet në një spital të Bukureshtit.

Sipas Ministrisë së Shëndetësisë, pacienti ka shfaqur simptoma të ngjashme, si temperaturë të lartë, vjellje, diarre etj.

Për shkak se ai sapo u kthye nga Nigeria, mjekët e izoluan menjëherë dhe më pas e dërguan në spitalin Matei Bals të Bukureshtit, një spital që trajton sëmundje infektive.

Drejtori i spitalit njoftoi se në rast se analizat dalin pozitive, ato do të dërgohen për verifikimin përfundimtar në Frankfurt.