Prishtinë, 6 korrik - Citostatikë me vlerë të miliona eurove dyshohet që janë keqpërdorur për katër vite rresht në Qendrën Klinike Universitare të Kosovës (QKUK).

Ky institucion ka shpenzuar për çdo vit rreth 7 milionë euro për të mbuluar nevojat e më së shumti të 50 për qind të pacientëve.

Rreth 3 milionë euro më pak planifikim ka kjo klinikë këtë vit që, sipas saj, do të mbulojë mbi 90 për qind të kërkesave të pacientëve, raporton sot Koha Ditore.

Udhëheqësit e Klinikës se Onkologjisë për katër vite kanë planifikuar barna sipas Listës esenciale e jo sipas nevojave të pacientëve.

Në listë esenciale ka produkte të patentuar që kushtojnë shumë shtrenjtë. Pikërisht për produktet më të shtrenjtat ka dyshime për keqpërdorim. Nevojat e pacientëve nuk kanë qenë as afër kërkesave të menaxherëve të kësaj Klinike.

Koha Ditore shkruan edhe për dallavere me “albumina”.

/Koha Ditore/