Prishtinë, 18 shtator - Ekipi i kompanisë MED-EL,  nga Austria i udhëhequr nga Prof. Boheim, i asistuar nga stafi i mjekëve anesteziologë dhe otorinolaringologë nga QKUK, ka realizuar dy implante kokleare në Klinikën e ORL-së, të Qendrës Klinike Universitare të Kosovës. Pacientët kanë qenë të diagnostikuar me dëmtim të rëndë të dëgjimit dhe janë rekomanduar për Implant koklear.

Këto ndërhyrje u realizuan në kuadër të vazhdimit të projektit të vitit të kaluar, ku u realizuan 10 implante kokleare të cilat kanë qenë donacione individuale nga Emiratet e Bashkuara Arabe.  Tani, donator është kompania  MED-EL,  në bashkëpunim me Ministrinë e Shëndetësisë, QKUK dhe Klinikën e Otorinolaringologjisë.

Vlera totale e këtyre dy implanteve është reth 50.000 euro, po ashtu nga të njëjtën donatorë Klinika e ORL-së,  përfitoi një set kirurgjik si donacion dhe mjete tjera të nevojshme për post- implant.

Të dy palët janë pajtuar që bashkëpunimin e nisur ta vazhdojnë edhe në të ardhmen, duke ndihmuar pacientët që kanë  dëmtime të rënda të dëgjimit.