Prishtinë, 1 mars - Ministri i Shëndetësisë, Imet Rrahmani, ka informuar kabinetin qeveritar për skadimin e mandatit të bordit që menaxhon Shërbimin Spitalor Universitar të Kosovës dhe punën që po bëhet tash me Zyrën Ligjore për të gjetur zgjidhje adekuate.

Kryeministri, Isa Mustafa ka kërkuar që këto çështje të zgjidhen më shpejtë. “Tash ne duhet të veprojmë më shpejt. Në qoftë se Zyra Ligjore gjen hapësirë për ta shtyrë apo thonë që jo për zgjatjen e mandatit të Bordit, atëherë ne duhet të vijmë shpejt me propozime në mënyrë që të zgjidhet Bordi, vetëm të përgatiten propozimet sipas përfaqësimit që kanë institucionet shëndetësore”, tha kryeministri Mustafa.