Prishtinë, 22 gusht - Qendra Klinike Universitare e Kosovës (QKUK) ka bërë të ditur së pacientët që kanë nevojë për shërbimin  e radioterapisë, se nga dita e djeshme, të gjitha aparaturat e radioterapisë janë kthyer në funksion të plotë dhe po ofrohen të gjitha shërbimet për pacientët.

Zëdhënësi i QKUK-së Shpend Fazliu ka thënë së është e vërtetë se aparaturat e radioterapisë kanë qenë në defekt për disa ditë, sikurse mund të jenë edhe paisjet e tjera të cilat herë pas here janë në defekte dhe servisohen, por pas angazhimeve maksimale është arritur që nga dita e djeshme ato aparatura të rikthehen në funksion.