Prishtinë, 28 maj - Kompania Rajonale e Ujësjellësit 'Prishtina' ka njoftuar se gjatë ditës së sotme do të vazhdon me riparimin e gypit të ujit nga çeliku me diametër fi 600 mm, gyp ky që vie nga Badoci në rezervuarin e Mirëditës.

Riparimi i tij nga ekipet e mirëmbajtjes dhe operimit të KRU ”Prishtina” ka filluar ditën e djeshme, por që konsumatorët të mos mbesin kohë të gjatë pa furnizim me ujë, punimet janë ndërprerë dje pasdite dhe do të vazhdohet me riparim edhe sot.

Mungesën e ujit të pijshëm mund ta ndjejnë pikat e larta furnizuese të fshatit “Hajvali”, pikat e larta të zonës qendër të lagjes “Bregu i Diellit” dhe pikat e larta furnizuese të lagjes “ Mati I ”.