Ankara, 18 shkurt - Turqia, vend ky që realizon mbi 70 për qind të prodhimit dhe eksportit të lajthisë në botë, gjatë 20 viteve të fundit ka vjelë më shumë se 24,5 miliardë dollarë të ardhura nga ky produkt.

Sipas të dhënave të Unionit të Eksportuesve të Lajthisë dhe Produkteve të Lajthisë për Zonën e Detit të Zi, mes viteve 1995-2014 janë eksportuar gjithsej 4 milionë e 600 mijë tonë lajthi e qëruar, nga e cila Turqia ka përfituar valutë në vlerë 24,5 miliardë dollarë.

Eksportuese e lajthisë drejt afro 120 shteteve të botës, Turqia synon që të ardhurat vjetore nga ky produkt t’i çojë në mbi 4 miliardë dollarë deri në vitin 2023.