Prishtinë, 30 qershor - Sindikata e Pavarur e Sektorit Privat të Kosovës (SPSPK) fton kompanitë që të tregojnë kujdes ndaj punëtorëve gjatë ditëve me mot të nxehtë.

\"Apelojmë te institucionet dhe pronarët e kompanive, e sidomos të  kompanive ndërtimore që të kenë kujdes dhe ta ruajmë shëndetin e punëtorëve në këto temperatura tropikale\", thuhet në apelin e sindikatës.

\"Çdo lëndim apo edhe diçka më e rëndë, Sindikata e jonë do të akuzoj drejtpërdrejt këta akter për mosrespektimin e kushteve të punës. Mund të gjenden solucione të mjaftueshme që punëtorët të ruhen nga këto temperatura të larta\", thuhet në apelin e sindikatës të nënshkruar nga kryetari Juuf Azemi.