New Delhi, 4 janar - Shembja e një miniere qymyrguri në shtetin Xharkhand të Indisë Verilindore të enjten e kaluar, ka shkaktuar deri tani 18 të vdekur.

Miniera ndodhet 390 km larg Rançit, kryeqendra e Xharkhandit.

Policia vendore është shprehur se deri tani janë gjetur trupat e 18 viktimave dhe ekipet e kërkimit po vazhdojnë punën për gjetjen e gjashtë të tjerëve. Shkaku i aksidentit ende është në hetim.

Xharkhandi është një nga zonat më të pasura me minerale dhe përmban 29 % të qymyrgurit të vendit.