New York, 9 tetor - Drejtuesi i Volkswagen Group në SHBA kërkoi të falje të enjten para ligjvënësve amerikanë për skandalin e falsifikimit të të dhënave të shkarkimeve të karburantit.

\"Në emër të kompanisë sonë dhe të kolegëve të mi në Gjermani, kërkoj falje për instalimin e software te disa prej motorëve me naftë që falsifikuan të dhënat e shkarkimeve,\" tha Michael Horn, presidenti i Volkswagen Group of America në seancën e mbajtur nga Komiteti për Energji dhe Tregti.

Megjithatë, ai pohoi se zyrtarët e lartë të korporatës nuk ishin në dijeni për këtë software të instaluar në 11 milionë automjete.