22 Mars 2023

Mercedes tërheq rreth 324 mijë automjete për shkak të një defekti në motor

New York, 6 janar - Mercedes ka vendor për tërheqjen e afro 324 mijë automjeteve në SHBA, sepse motorët mund të ndalen ndërsa automjeti është në lëvizje.

Tërheqja përfshin disa modele nga 2012 deri në 2020 duke përfshirë ML550, ML350, AMG ML63, ML250, ML400, GLE450, GLE300, GLE350, GLE550, GLE400, AMG GLE43 dhe AMG GLE63.

Administrata Kombëtare e Sigurisë së Trafikut theksoi se uji mund të mblidhet në vendin e gomës rezervë dhe të dëmtojë njësinë e kontrollit të pompës së karburantit. Kjo mund të shkaktojë fikjen e motorit.

Agjentët e shitjeve do të kontrollojnë nëse ka prani të ujit, do të instalojnë një prizë kullimi dhe do të zëvendësojnë pompën e karburantit nëse është e nevojshme. Pronarët do të njoftohen me letër duke filluar nga 21 shkurti.

Mercedes thotë në dokumente se është në dijeni të 773 kërkesave të garancisë amerikane, raporteve në terren dhe raporteve të shërbimit për shkak të problemit. Kompania thotë se nuk është në dijeni të ndonjë përplasjeje apo lëndimi të shkaktuar nga defekti.

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)