Doha, 4 dhjetor - Shtet arab i Gjirit Persik, Katari ka njoftuar papritur synimin e vet për t'u larguar nga OPEC-u.

Katari thotë se planifikon të tërhiqet nga karteli ndërkombëtar i naftës që nga janari i vitit të ardhshëm.

Kjo do të përbënte herën e parë që nga themelimi i OPEC-it në vitin 1960, që një vend i Gjirit largohet nga ky grup.

Katari ka shprehur synimet e tij për të shitur më shumë naftë dhe gaz natyror në treg.

Ndërsa zë vetëm rreth 2 për qind të eksportit mujor të naftës së OPEC-ut, Katari është furnizuesi më i madh në botë i gazit natyror të lëngshëm.