Berlin, 7 maj - Ministri gjerman për Çështjet Ekonomike dhe Energjinë, Peter Altmaier shprehu dëshirën për krijimin e kushteve të favorshme për një ekonomi më novative e konkurruese për vendin dhe Europën.

Ai e tha këtë në ceremoninë e hapjes së një konference mbi strategjinë industriale kombëtare të Gjermanisë.

Altmaier propozoi politika më aktive në Strategjinë Industriale Kombëtare 2030 të paraqitur në shkurtin e sivjetshëm.

Për të parandaluar blerjet e padëshirueshme të kompanive nga investitorët e huaj, ministri gjerman sugjeroi që qeveria të marrë pjesë në zhvillimin e kompanive.

Ndërsa, Federata Gjermane e Industrive (BDI) ka kritikuar këtë metodë, duke i bërë thirrje qeverisë të ndryshojë këtë qëndrim.