Tripoli, 13 shtator - Kryeministri i përkohshëm i Libisë, Mahmud Xhibril deklaroi se kanë rifilluar prodhimin e naftës në vend.

Xhibril theksoi se së afërmi do të nisin prodhimin edhe në perëndim të Libisë, por pa saktësuar zonën dhe sasinë.

Po ashtu Mahmud Xhibril vuri në dukje se brenda 7-10 ditësh do të krijohet një qeveri transicioni e re dhe më gjithëpërfshirëse.

Nga ana tjetër, njoftohet se nuk dihet ende se ku fshihet ish-lideri libian, Muamer Kadafi, ndërsa njëri prej djemve të tij, Saadi, ndodhet në Niger.