Bursa, 29 shtator - Kompania automobilistike turke “TOFAŞ” në fabrikën e saj në Bursa ka nisur prodhimin në seri të automobilit familjar “Fiat Egea”.

Kompania automobilistike turke “TOFAŞ” në fabrikën e saj në Bursa ke realizuar një nga projektet më të rëndësishme në historinë automobilistike të Turqisë.

Është zbritur me ceremoni nga linja e prodhimit makina e parë e modelit “Fiat Egea”, që është prodhuar në këtë fabrikë.

Automobili është projektuar në përshtatje me pritshmëritë e Turqisë dhe si një makinë, që mund të blihet nga një masë e gjerë e shoqërisë. Kurse emrin automjeti e ka marrë nga Deti Egje (Ege Denizi në turqisht, shën.përkth).

Për nga hapësira brenda dhe vëllimi i bagazhit “Fiat Egea” është një makinë familjare e vërtetë. Ky model do të eksportohet në 40 vende të Evropës, Lindjes së Mesme dhe Afrikës së Veriut.