Prishtinë, 11 tetor - Gjykata për Kundërvajtje në Drenas, sot, mbajti seancën gjyqsore sipas fletëparaqitjes për kundërvajtje të bërë kohë më parë nga inspektorati i Ministrisë së Mjedisit dhe Planifikimit Hapësinor ndaj “NewCo Ferronikeli Complex LLC”.

Në këtë shqyrtim gjyqsor, pas paraqitjes së dëshmive nga inspektorët e MMPH-së që ishin të pranishëm në seancë, dhe dëgjimin e përfaqsuseve të Ferronikelit, Gjykata për Kundërvajtje në Drenas, mori vendim që ndaj personit juridik të Feronikelit, t’i shqiptoj dënimin prej 40.000 euro, kurse personit fizik – menagjerit të Feroniklit ju shqiptua denimi prej 1500 euro.

Ministria e Mjedisit dhe Planifikimit Hapësinor e mirëpret vendimin e Gjykatës Për Kundërvajtje, dhe njëkohësisht duke e parë si mbështetje  për zbatushmerinë e ligjeve që kanë dal nga MMPH për mbrojtjen e shëndetit të qytetarëve dhe mjedisit në Republikën e Kosovës që duhet të respektohen nga të gjithë.