Moskë, 21 prill - Vagit Alekperov, një nga njerëzit më të pasur në botë, ka dhënë dorëheqjen si CEO i kompanisë së dytë më të madhe të naftës në Rusi, Lukoil.

Lukoil konfirmoi se zoti Alekperov do të largohej si drejtor dhe president i kompanisë në një deklaratë të enjten.  Në deklaratë nuk qartësohet se pse zoti Alekperov dha dorëheqjen ose kush do ta merrte detyrën.

Megjithatë, masa vjen pas vendimit të Mbretërisë së Bashkuar për të vendosur një ‘ngrirje’ të aseteve dhe ndalim udhëtimi ndaj biznesmenit ruso-azerbajxhanas javën e kaluar, si pjesë e sanksioneve të vendosura në mes të luftës me Ukrainën.

Ai gjithashtu vjen shtatë javë pasi ‘Lukoil’ prishi marrëdhëniet me Vladimir Putin dhe bëri thirrje për t’i dhënë fund luftës.

‘Lukoil’ është kompania e dytë më e madhe e naftës në Rusi pas firmës shtetërore Rosneft, duke prodhuar 2% të naftës së papërpunuar në botë dhe duke punësuar 100,000 njerëz.